Charter Document - 03960024
| Charter Number: | 03960024 |
|---|---|
| Cartulary Title: | Schottenstift [Wien] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1235 |
| Date type: | Assigned |
| Resource Link(s): |
Monasterium.net |
Charter:
Nos dei gratia C comes de Hardeck notum facimus uniuersis quod ad petitionem dilecti amici nostri Felicis abbatis sancte Marie Scotorum in Wienna et pro remedio anime nostre contulimus dicte ecclesie sancte Marie aream unam sitam in Pulcka super quam aream sedet Rvodulfus Naynter de qua nobis duodecim denarii annuatim persoluebantur libere et quiete possidendam in perpetuum Ne tamen in posterum aliqua contrarietas super hoc oriri possit presentem paginam sigilli nostri impressione fecimus roborari