Charter Document - 03960023
| Charter Number: | 03960023 |
|---|---|
| Cartulary Title: | Schottenstift [Wien] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1233 |
| Date type: | Internal, A.D. |
| Resource Link(s): |
Monasterium.net |
Charter:
In nomine sancte et indiuidue trinitatis amen Notum sit vniuersis Christi fidelibus tam presentis etatis quam et future posteritatis quod nos Dirmicius Dei gracia abbas sancte Marie Scotorum in Wienna cum consensu et bona voluntate tocius nostri conuentus preposito sancti Georgii et ipsius conventui per interuentum et instanciam sui celerarii Engelschalci aream quandam juxta dimidiam aream quam Martinus scriba nuper a nobis obtinuit contulimus ad ius emphyteoticum tali pacto ut ad manus VI talenta nobis persoluant et in festo sancti Michahelis annuatim XII solidos nobis persolvant et si negligerent solvant duplicatam pensionem adhibita eciam et tali condicione ut priusquam aliquid edificent in area dicta murum inter vineam et aream edificent ad altitudinem muri protensi a Scutario usque ad aream Zeleubi in vinea dicta Excipimus eciam ut non audeant eandem aream nec vendere nec obligare nisi nostra primitus voluntas requisita fuerit et obtenta Ut autem hoc scriptum nullo falsitatis scrupulo possit debilitari cedulam presentem sigilli nostri nec non capituli nostri munimine iussimus roborari Hujus rei festes sunt Abbas Felix prepositus Felix magister vinearum et totus conventus Zeleubus Jacobus filius Widonis Martinus scriba Chunradus hospes Meinhardus officialis noster Hermanus seruus noster Otto Prew Ditricus et Wernhardus et Chunradus fratres de Nuzdorf Chunradus et Chalhohus de sancto Georgio Wisinto et alii quam plures Acta sunt hec anno dominice incarnacionis MCCXXXIII