Charter Document - 03950037

Ich Ortneid der Thanberger wir gich allen den di disen brief sehent oder horen lesen di nu lebent vnt her chunftig sin daz Marchard Abmperg dacze Widersod sechs sillingin gelst di er zrechtim lehen vom mir ghabt hot mit meiner hant vn[t] mith meim guten willen dem gotzhaus dazim Zlag czuem zelgereth hot gegeben vnt di ubrigin zeczik phening gult da zelbst z Widersod hot auch gezeczith dem worgnatem gotzhaus mit meiner hant vor vierdhalb pfhunt Pazzower phening seiner havsfrowen czuem zelgereth Dar uber gib ich disen brief dem oft gnantem gotzhaus dazt dem Zlag wir ingisigilt mit meim jngisigil Der ist geben da won Cristes puerd worin tausent jar czwaihundert jar jn dem vierden vnt nevnczigeinstem jar Dez sein gczeug Chalhoch der Valchestainer her Hainreich Abmperg Ot vnt Jrmfrid won Clafpach Vernhart vnt Vlrich won Poxruk Vlreich der Puhler