Charter Document - 03950035
| Charter Number: | 03950035 |
|---|---|
| Cartulary Title: | Schlägl, Stift |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1292 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Wernhardus Dei gratia ecclesie Pataviensis episcopus tenore presentium confitemur quod constitutus coram nobis Arnoldus de Chunigsteten in Zeizenmauer nobis iudicio presidentibus publice presentibus multis ydoneis dixit et profitebatur quod in curia quadam in Chvnigsteten sitvata que dilectos in Christo fratres Plagensis ecclesie pleno iure respicit sibi nec heredibus suis nullum ius vel actio competeret ad curiam prelibatam In cuius rei testimonium presentes litteras fieri iussimus et nostro sigillo muniri presentibus Ekardo de Slechdorf Chvnrado judice de Zeizenmauer Vlrico capellano nostro Alberto et Alberto notariis curie nostre Helmwico notario Pilgrimo pincerne curie nostre Leutoldo notario de Zeizenmauer et aliis pluribus fide dignis Datum et actum Zeizenmauer anno Domini MCC nonagesimo secundo XIIII kalendis novembris