Charter Document - 03950034
| Charter Number: | 03950034 |
|---|---|
| Cartulary Title: | Schlägl, Stift |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1291 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos frater Otto dictus abbas ecclesie Alti Vadj Cysterciensis ordinis ac Pragensis dyocesis constare volumus vniuersis presencia inspecturis quod nos de communi consilio et assensu fratrum nostrorum quorumlibet curiam nostre ecclesie in Rudolfzpach et fevdum adiacens in Grillpergs volentes in vsus magis vtiles conmutare cum ipsa bona nostre ecclesie minus congrue essent adiacencia vendidimus cum omni iure ac libertate qua eadem bona tenuimus ac possedimus canonicis ac ecclesie sancte Marie in Plaga perpetuis temporibus vniuersaliter cum omnibus adtinenciis ad eadem bona tam in agris pratis pascuis quam in siluis proprietatis titulo possidenda Super eisdem autem bonis cum domini Henrici de Schavmberch donacionis priuilegium habeamus nolumus vt nostris aut successorum nostrorum temporibus idem priuilegium in nostra ecclesia prescriptis fratribus ac ecclesie in Plaga existat in aliquod preiudicium sev grauamen sed pocius in cautelam et defensionem inpeticionum quorumlibet in futurum In cuius rei testimonium presentem litteram ipsis dedimus nostri sigilli robore communitam testibus qui eidem contractui interfuerunt nichilominus subnotatis qui sunt frater Walthervs frater Stephanus nostre ecclesie frater Theodericus frater Mathevs Plagensis ecclesie dominus Cenko miles de Cypin Dominicus de Pazzawerslag Nycolaus de Dborsatslag Vlricus de Weihseln Chvalo et Pribizlaus frater eius de Sesstaw et plures alij fide digni Datum et actum anno Domini MCC nonagesimo primo III nonas septembris