Charter Document - 03950021
| Charter Number: | 03950021 |
|---|---|
| Cartulary Title: | Schlägl, Stift |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1269 |
| Date type: | Internal, A.D. |
| Resource Link(s): |
Monasterium.net |
Charter:
In nomine Patris et Filii et Spiritus sancti Amen Ego Chalhohus de Valchenstain omnibus christi fidelibus imperpetuum ueram salutem Licet in preuaricatione prothoplasti inter diuersa incommoda genus humanum sit defectu labilis memorie deformatum tamen nobilitas nature que nullum defectum uel superfluitatem patitur ex sui perspicacitate vsum litterarum salubriter adinuenit quo defectum huiusmodo subtiliter aboleret videlicet ut acta presentis temporis possent transire ad notitiam futurorum Vnde scire cupio homines presentis temporis et futuri quod ego in extremis agens et ultimam uoluntatem meam per testamentum per Dei prouidentiam declarans inter cetera contuli paruum testamentum de consensu et bona uoluntate vxoris mee Elysabeth et omnium heredum meorum ecclesie sancte Marie in Slage et fratribus ibidem Deo militantibus pro remedio anime mee et omnium progenitorum meorum et sobolum partem decime in Schintav que me iure hereditario respiciebat libere imperpetuum possidendam ita ut memorati fratres assiduis orationibus pro peccatis meis quibus predictam ecclesiam indebitis exactionibus seu grauaminibus lesi apud Deum et eius piam genitricem veniam iugiter implorent quatenus in extremo examine cum his qui a dextris erunt centuplicatum premium valeam reportare Vt autem talis mea donatio inuiolabiliter ipsi ecclesie et fratribus eisdem maneat imperpetuum presentem litteram eis tradidi mei sigilli munimine et testium subscriptione roboratam in euidens testimonium et cautelam Actum anno gratie MCCLXVIIII Testes dominus Hainricus de Waldek dominus Haidenricus et dominus Rvdigerus de Haichenbach dominus Budyboi filius dictus Zewisch dominus Petrus miles ipsius dominus Wernhardus miles cognomine Rauber frater suus Hainricus Rapoto de Pach Sifridus de Rech[einsdorf] Rapoto Swekker et quam plures