Charter Document - 03950016
| Charter Number: | 03950016 |
|---|---|
| Cartulary Title: | Schlägl, Stift |
| Charter Language: | Latin |
| Charter Origin: | Religious |
| Charter Type(s): | |
| Date: | 1261 |
| Date type: | Assigned |
| Resource Link(s): |
Monasterium.net |
Charter:
Venerabili in Christo patri Ottoni Dei gratia Patawiensis ecclesie episcopo Johannes Pragensis episcopus salutem et sinceram in Domino karitatem Significastis nobis quod ecclesiam sancte Marie in Slage circa limites nostre dyocesis constitutam in dominica misericordia Domini estis consecraturi petentes ut indulgentias quas die consecrationis et in anniversario dedicationis hominibus nostre dyocesis confluentibus ad eandem daturi estis ratas haberemus Nos quia semper parati sumus uestram paternitatem hiis et maioribus honorare indulgentias quas eisdem ad augendam intentionem deuotionis eorum duxeritis conferendas ratas habemus concedentes eisdem XL dies indulgentie temporibus supradictis Datum in Lubliz kalendis [] magij []