Charter Document - 03950015
| Charter Number: | 03950015 |
|---|---|
| Cartulary Title: | Schlägl, Stift |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1261 |
| Date type: | Internal, A.D., Calendar |
| Resource Link(s): |
Monasterium.net |
Charter:
Otto Dei gratia ecclesie Pataviensis episcopus dilectis in Christo fratribus preposito et conventui domus sancti Floriani salutem in Domino Exhibita nobis vestra peticio continebat quod ab ecclesia sancti Petri ecclesiam in sancto Oswaldo et ab ecclesia in Lezperch ecclesiam in Grunenbach cum suis eximeremus terminis cum in qualibet ecclesia predicta singulorum sacerdotum residencia necessaria requiratur maxime cum per talis petitionis effectum cum animarum caucius et salubrius procuretur et divinorum officium in predictis ecclesiis crebrius valeat exerceri Nos qui super huiusmodi habito discretorum et Deum timentium consilio preces vestras admittimus taliter in premissis ut quelibet ecclesiarum predictarum deinceps parrochialis existat ecclesia et vobis et successoribus vestris quos ius patronatus sive presentationis respicit in eisdem nobis et successoribus nostris ad regimina ipsorum tot sacerdotes et nullos alios clericos presentare liceat ita tamen ut in illis personaliter resideant quod in vestris peticionibus sunt expresse In cuius rei testimonium presentes litteras sigillo nostro fecimus conmuniri Datum in Ebilsperch anno Domini MCCLXI VIII kalendis augusti