Charter Document - 03950014
| Charter Number: | 03950014 |
|---|---|
| Cartulary Title: | Schlägl, Stift |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1258 |
| Date type: | Internal, A.D., Calendar, Episcopal |
| Resource Link(s): |
Monasterium.net |
Charter:
Johannes Dei gracia Pragensis episcopus viris honorabilibus et in Christo dilectis [] preposito totique conuentui fratrum Premonstratensis ordinis in Slage Pattaviensis dyocesis salutem et sinceram in Domino caritatem Domum vestram pariter et vos speciali dileccione quantum possumus cum Deo prosequentes vestre cupimus noticie fieri manifestum quod ad peticionem dilecti nobis in Christo viri nobilis Witigonis de Crumlow ecclesiam in Lichtenwerd nostre dyocesis in qua idem W ius obtinet patronatus quam cum omnibus possessionibus ad ipsam de iure pertinentibus domui uestre regendam contulit vobis uestrisque successoribus auctoritate presencium confirmamus absque iuris preiudicio alieni Et ne quis in posterum dubitet super isto presens scriptum nostrj sigillj munimine fecimus roborarj Datum Prage anno Domini millesimo CCLVIII XVI kalendis iulij pontificatus nostri anno primo