Charter Document - 03950011

Nos Heinricus Dei gratia comes de Ortenberch notum facimus presentis scripti testimonio uniuersis quod nos bona et spontanea uoluntate castrum nostrum Ortenberch cum omnibus suis attinentiis uidelicet villis Ekkenheim Ovfhusen Peren et aliis possessionibus et bonis nostris inter flumina Danubium Enum Yseram et Salzam sitis cultis et incultis quesitis et inquisitis pratis pascuis aquis et aquarum decursibus que ex proprietate nos contingunt et que iure hereditario possedimus et in proprium possidemus beato Stephano prothomartiri in Patauia in manus domini nostri Berhtoldi eiusdem ecclesie venerabilis episcopi per presentem paginam siue instrumentum tradidimus et tradimus sine contradictione qualibet perpetuo possidenda Tradimus etiam eidem beato Stephano prothomartiri Graben cum omnibus suis attinentiis sitis inter flumina Enum Danubium et Trounam cultis etiam et incultis quesitis et inquirendis cum pascuis pratis aquis et aquarum decursibus que ex hereditaria proprietate similiter nos continguit Hec omnia bona seu proprietas quas promisimus beato Stephano prothomartiri ea conditione et lege tradimus et donamus ut per dominum nostrum Bertholdum uenerabilem episcopum Patauiensem eiusque successores canonice substitutos ab ecclesia Pataviensi alienari non debeant neque liceat quocunque modo Et ut presens nostra donatio firma permaneat ac etiam inconuulsa presens instrumentum sigilli nostri munimine duximus roborandum Actum Prage coram hiis testibus domino Alberto venerabili episcopo Ratisponensi Meingoto de Waldekke preposito Wernhardo de Morspach canonico Patauiensi Heinrico de Suben et Heinrico de Slage ecclesiarum prepositis Heinrico de Merswanch Pilgrimo de Poemelinge Zacharia de Peispach Etichone de Volchmaro de Wazzerburch canonico Augustensi Gebolfo de Munzinge Johane de Merswanch Richkero de Pernstein et aliis quam pluribus III idus aprilis anno Domini MCC quinquagesimo I