Charter Document - 03950010
| Charter Number: | 03950010 |
|---|---|
| Cartulary Title: | Schlägl, Stift |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1251 |
| Date type: | Internal, A.D., Calendar |
| Resource Link(s): |
Monasterium.net |
Charter:
In nomine domini amen Ut ea que geruntur in tempore ne simul cum tempore pereant et labantur necesse est ut scriptorum memoriis immortalibus commendentur Quare nos Heinricus comes de Ortenberch tenore presentium notum facimus tam presentibus quam futuris quod nos omnes pueros Ortolfi de Waldekke ministerialis ecclesie Patauiensis qui nos proprietatis tytulo attingebant cum omnibus posteritatibus eorum ob deuotionem beati Stephani prothomartiris preciosi in manus domini nostri venerabilis Berhtoldi electi Patauiensis tradidimus ecclesie Patauiensi libera et spontanea uoluntate In cuius rei testimonium presentem paginam nostri sigilli munimine duximus roborandam Actum Prage IIII nonas aprilis anno Domini MCCLI coram hiis testibus venerabili patre nostro domino Heinrico episcopo de Pruscia domino Meingoto de Waldekke tumpreposito Wernhardo de Morspach canonicis Patauiensibus Heinrico de Suben et Heinrico de Slage ecclesiarum prepositis Gebolfo de Munzinge Heinrico et Johane eius filio de Merswanch Sigehardo dicto Piber Chunrado de Altenburch Pilgrimo de Waltheringe et aliis quam pluribus