Charter Document - 03950003
| Charter Number: | 03950003 |
|---|---|
| Cartulary Title: | Schlägl, Stift |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1218 |
| Date type: | Internal, A.D. |
| Resource Link(s): |
Monasterium.net |
Charter:
In Nomine Domini Amen Ego Kalchochus de Walckenstain ministerialis ecclesie Patauiensis ad notitiam omnium tam presentium quam futurorum cupio peruenire ad quos presens peruenerit scriptum quod in bonis meis in loco qui dicitur Slage coenobium exile ad honorem Dei et beate virginis Marie fundaui de domini Wolckheri episcopi Patauiensis uoluntate beneuola et consensu quod ordini Griseorum dederam et ipsum locum et coenobium abbati et ecclesie in Langhaym commiseram in perpetuum ad regendum Cumque domini fratres ecclesie de Langhaym in Slage annis septem cum dimidio permansissent quodam tempore ipsum locum solitarium relinquentes in Langhaym ad monasterium suum unde uenerant noctis in silentio redierunt secum assumptis libris calicibus et ornatu de quo fui nimium conturbatus quod ipsi coenobium per me ipsis traditum contempsissent Tamen ego trinos nuncios cum litteris ipsis direxi supplicans ut redirent diligentissime et inuitans Qui deliberatione prehabita de communi consilio michi remandauerunt quod unus abbas et unus monachus ibi pre fame et frigore essent mortui et quod locum non amplius curarent et quod ipse fundator locum et fundationem suam in Slage assignaret et daret cuicumque uellet de eorum grata et mera ac spontanea uoluntate Tunc ego quid facerem ignoraui Tandem de consilio sapientum ac etiam amicorum fundaui coenobium in alio loco et idem coenobium cum omnibus attinentijs commisi et assignaui libere et solute abbati et conuentui in Milewsk ad tenendum perpetue et regendum secundum beati Augustini et Premonstratensium regulam et statuta et in ipso coenobio fratres cum preposito ex prefato coenobio actuali uita et residentia [illic] collocaui Et ne alicui in posterum super his dubium oriatur in huius rei testimonium et cautelam dedi presentes litteras sepe dicto preposito ac fratribus mei sigilli munimine roboratas Huius rei testes sunt Chundericus filius meus Otto de Wesen cum fratre suo Heinrico Sigifridus de Norspach Wernherus de Heychenbach Rudegerus miles Wesnerij Engelbertus miles de Liehteneckh Ruepertus Leopoldus Gerungerus Petrus Fridericus clientes mei Datum anno Domini millesimo ducentesimo decimo octauo VII idus Julij