Charter Document - 03940106
| Charter Number: | 03940106 |
|---|---|
| Cartulary Title: | Reichersberg, Stift |
| Charter Language: | German |
| Charter Origin: | Religious |
| Charter Type(s): | Grant |
| Date: | 1295 |
| Date type: | Internal, A.D. |
| Resource Link(s): |
Monasterium.net |
Charter:
Wir Chunrat von Radekke probst ze Reychersperig vnd die Samnunge vber al tven chuut allen den [di] disen prief ansehent Daz wir Albrehten vnseren Ammanne ze Grube seinen dienste bedaht haben vm tzwai jevch weingarten vnd vm vier und viertzich jevch akkcer an einer wuest di e sein leibegedinge sint gewesen di haben wir im lazzen ze rehtem purchreeht also daz man da von schol geben alle jar an sant Michelstage vier emmer weins geben von den tzwain jevchen weingarten vnd von den Aekcheren fvmftzige phenninge vnd zehen hvener und swa man daz vberget so ist daz puerchrecht ledig dem Gotshaus daz daz allez staet beleibe geb wir im unseren prief mit vnseren jnsigelen vnd ist daz geschehen da von Christ gepurt waren tausent zwai hvndert fvmf und Nevntzig jar