Charter Document - 03940076
| Charter Number: | 03940076 |
|---|---|
| Cartulary Title: | Reichersberg, Stift |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1258 |
| Date type: | Internal, A.D. |
| Resource Link(s): |
Monasterium.net |
Charter:
Nos Dei gracia M de Waldekke tum Prepositus et Archidiaconus Pataviensis Omnibus Christi fidelibus presentem paginam inspecturis salutem in eo qui est omnium vera salus In universorum noticiam cupimus esse perspici quod Otto Heinricus Ortolfus fratrueles nostri de Waldekke consenserint super omni donacione sive remissionibus Advocatiarum et iuribus iudiciorum secundum quodexpressum est in privilegio dato prius super remissionibus que genitores eorum Ortolfus et Heinricus fratres de Waldekke in restitucionem gravaminum que Reicherspergensi Ecclesie intulerant fecerant hactenus de consilio maturiori ob animarum remedium et salutem hoc adiecto quod dicti fratrueles nostri in obitu Ortolfi fratris nostri abrenunciarunt advocacie duorum prediorum in Antesenhoven nec non advocacie villicacionis in Puchperge et etiam iuri quod se de mancipiis scilicet heredibus Aynwici et Rehwini de Muenstewr habere hactenus affirmabant Promiserunt etiam una nobiscum quod prefatam Ecclesiam in recompensacionem dampnorum quorum prius est habita mencio velint semper pro viribus defendere ac fovere satisfactione et restitucione quantalibet pro eis facultas affuerit nichilominus subsequente Ne igitur super huiusmodi litis occasio vel calumpniandi materia valeat in posterum suboriri presentes nostras literas sigillo et testibus subscriptis iam dicte Reicherspergensi Ecclesie dedimus in testimonium et cautelam Testes sunt hii M tum Prepositus W auunculus ipsius de Morspach Canonici Patavienses H prepositus Subnensis H capellanus suus de Strazbalchen Leutoldus Plebanus de Tawfkirchen Fridericus Decanus de Althaim Wildo Plebanus de Zelle Hugo de Sauersteten Algerus Otho filius Ortolfi Ortolfus filius H de Waldekke O de Ezzenbach Vlr Antesenperger Gerh de Chalinge et W filius Raspo H de Pewnte M iunior de Lawffenbach Salomon Hunthoch H de Lawtterprunne Prifingnus dictus H de Waldekke Syboto Plebanus de Aspach et Leutoldus consanguineus eius Vlr Plebanus de Gurtten Hofmayr et alii quam plures Soldan filius Benedicte Anno Domini MCCLVIII scriptum est Instrumentum istud in Richersperge a Conrado Swentter temporibus Gundakari eiusdem Ecclesie Prepositi