Charter Document - 03940074
| Charter Number: | 03940074 |
|---|---|
| Cartulary Title: | Reichersberg, Stift |
| Charter Language: | Latin |
| Charter Origin: | Religious |
| Charter Type(s): | |
| Date: | 1252 |
| Date type: | Assigned |
| Resource Link(s): |
Monasterium.net |
Charter:
Ne gesta hominum a memoria tollantur potissimum solet adhiberi remedium cautio scripturarum Notum igitur facimus tam presentibus quam futuris quod nos Chunradus dei gratia prepositus et conuentus Ecclesie in Berthersgadem conmuni consilio duas hvbas in Antesenhoven per manus domini H nobilis Comitis de Ortenberch Ecclesie nostre libere traditas cum omnibus attinentiis videlicet pascuis siluis quesitis et inquirendis inposterum sine iure aduocatie Ecclesie Richerspergensi pro quibusdam possessionibus quas habebant in montanis videlicet in Arl constitutis trium videlicet talentorum usualis monete vel trecentorum caseorum predio nostro contiguis propter conmodum propinquitatis partis utriusque commutauimus ac tradidimus ipsis pleno iure in perpetuum possidendas Ut igitur hec nostra conmutatio de cetero non valeat irritari presentem paginam ipsis in euidens testimonium dedimus sigilli nostri munimine roboratam Huius rei testes sunt Wernhardus Decanus Vlricus Camerarius Chovnradus Cellerarius presbiteri et Canonici Berthersgadmenses De familia vero nostra Vlricus magister coquine Pertholdus Magister domus Vlricus de Stiven Chovnradus de Widenpach Sifridus Rinkil Maenhardus de Alben et alii quam plures