Charter Document - 03940065
| Charter Number: | 03940065 |
|---|---|
| Cartulary Title: | Reichersberg, Stift |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1239 |
| Date type: | Internal, A.D., Calendar |
| Resource Link(s): |
Monasterium.net |
Charter:
Chunradus dei gracia comes de Wazzerburch omnibus Christi fidelibus presentem paginam inspecturis in perpetuum Quando pium est et deo acceptum loca religiosa promovere et eis elemosinas largiri universitati vestre facimus notum quod pro remedio anime nostre et antecessorum nostrorum et ad peticionem Dietrici prepositi in domo sancti Zenonis Hallis quondam celerarii Richerspergensis contulimus ecclesie Richerspergensi et libere dedimus duas mulieres scilicet Chunigundem et Alheidem filias molendinarii in Wezbach cum pueris suis habitis et habituris manumittendo eas et totam generacionem earundem Ut autem hec nostra donacio et collacionis beneficium firmum et stabile permaneat et inconvulsum et perpetuum robur obtineat in posterum presentem paginam sigillo nostre potestatis fecimus roborari Data Hallis anno domini MCCXXXVIIII III nonas Julii