Charter Document - 03940057
| Charter Number: | 03940057 |
|---|---|
| Cartulary Title: | Reichersberg, Stift |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1233 |
| Date type: | Internal, Calendar, Papal |
| Resource Link(s): |
Monasterium.net |
Charter:
Gregorius episcopus seruus seruorum dei Dilectis filiis [] Preposito et Capitulo ecclesie sancti Michaelis in Richesperge ordinis sancti augustini salutem et apostolicam benedictionem Ea que iudicio uel concordia terminantur firma debent et illibata persistere et ne in recidiue contentionis scrupulum relabantur apostolico conuenit presidio communirj Ea propter dilecti in domino filii uestris iustis precibus inclinatj Compositionem que inter uos ex parte una et nobilem virum Ludewicum de Hagenauue pataviensis diocesis ex altera super aduocatia quam dictus Nobilis se obtinere in uestra ecclesia proponebat mediante venerabili fratre nostro Salzburgensi archiepiscopo Metropolitano Loci amicabiliter intercessit prout in instrumento exinde confecto dicitur plenius continerj sicut sine prauitate prouide facta est et ab utraque parte sponte recepta et hactenus pacifice obseruata auctoritate apostolica confirmamus et presentis scripti patrocinio ommunimus Nullj ergo omnino hominum liceat hanc paginam nostre confirmationis infringere uel ej ausu temerario contraire Si quis autem hoc attemptare presumpserit indignationem omnipotentis dei et beatorum Petri et Pauli apostolorum eius se nouerit incursurum Data Laterani Kalendis Junij Pontificatus nostri anno Septimo