Charter Document - 03940046
| Charter Number: | 03940046 |
|---|---|
| Cartulary Title: | Reichersberg, Stift |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1226 |
| Date type: | Internal, A.D., Calendar, Episcopal |
| Resource Link(s): |
Monasterium.net |
Charter:
In nomine sancte et individue trinitatis Eberhardus dei gratia salzburgensis archiepiscopus apostolice sedis legatus C Omnibus presentem paginam inspecturis salutem et orationes in domino Cum olim nobilis uir Wernherus de Richersberge in eodem loco in honore beati Michaelis fundauerit Monasterium conuentum ibidem canonicorum Regularium ordinando proprietatem eiusdem fundi ecclesie Salzburgensi contulit sub hoc modo ut eiusdem Metropolis principalis aduocatus prenominati Monasterij defensor esset non expectato pro defensione aliquo conmodo temporali et inhibito ei et precluso ne eandem aduocatiam posset alij infeudare quemadmodum nobis constitit ex donationis autenticis instrumentis que postmodum per priuilegia felicis recordationis antecessorum nostrorum Chvonradi Eberhardi Alberti archiepiscoporum Salzburgensium confirmata fuerunt quemadmodum in illorum scripturis autenticis reperitur Uerum quia Salzburgensis ecclesia nostris temporibus habere desiit aduocatum et ita per consequens prenominati Monasterij aduocatia et defensio ad nos inmediate dinoscitur pertinere de consensu capituli nostri statuimus et etiam diffinimus ut de cetero successores nostri qui pro tempore fuerint sint predicti Monasterii sine omni molestia et grauamine perpetuj et continui aduocati et ne aliis eandem aduocatiam seu in principali loco seu etiam in prediis paruis uel magnis eidem loco attinentibus aliquo alienationis tytulo debeant uel ualeant assignare etiam si ipsi successores nostri quod non credimus principalem ut quondam in suis reditibus habere uoluerint aduocatum Ut autem hec nostre institutionis diffinitio nulla impietatis machinatione in posterum uioletur sed in perpetuum firmissime conseruetur hanc presentem paginam nostri sigilli impressione roboramus Huius Rei testes sunt Albertus prepositus Cvono decanus Hoholdus custos Ertfridus scolasticus Albinus Pertholdus Heinricus Pernhardus plebanus Wernhardus Sygardus Ditmarus Ulricus Chuonradus Salzburgensis Heinricus prepositus perthersgademensis volricus prepositus sancti Nycolai pataviensis Engelbertus werndensis prepositus Wernherus prepositus de solio Heinricus plebanus de hydinich Wezelo plebanus de Ottingen Heinricus de Kessendorf et alii quam plures de clero Gerhohus de Mattse Chuonradus de chalheim Eckardus de Tanne Heinricus et Chuonradus de Trutlinchingen Heinricus de Bruonning Heinricus de Nvonkyrchen Ruodegerus de Perchaeim Ministeriales Salzburgenses et alii quam plures Data apud Salzburch III Kalendas Januarij Anno domini MCCXXVI Indictione XIIII Pontificatus nostri Anno xxvi