Charter Document - 03940029
| Charter Number: | 03940029 |
|---|---|
| Cartulary Title: | Reichersberg, Stift |
| Charter Language: | Latin |
| Charter Origin: | Religious |
| Charter Type(s): | Renewal |
| Date: | 1170 |
| Date type: | Assigned |
| Resource Link(s): |
Monasterium.net |
Charter:
Bertholdus dei gratia marchio et filius eius Bertholdus de Andeshsen Arnoni Richerspergensi preposito et fratribus eius in perpetuum Scientes nobis ad salutem perpetuam et presentem proficere [si] in qualibet re deo seruientium utilitati ac paci prospexerimus ego et filius meus cenobio Richerspergensi in castro nostro Niwenburch ob remedium anime nostre simul et comitis ekkeberti cui in hereditatem successimus liberum transitum nauibus eorum concedimus et contradimus sicut ante nos iam dictus ekkebertus comes eidem cenobio concesserat vt uidelicet nichil ab eis penitus exigatur quociens eis eodem transire contigerit Et ut hec nostra concessio et traditio firma eis in perpetuum permaneat hanc cartam inde conscriptam sigilli nostri inpressione signauimus