Charter Document - 03940017
| Charter Number: | 03940017 |
|---|---|
| Cartulary Title: | Reichersberg, Stift |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1158 |
| Date type: | Assigned |
| Resource Link(s): |
Monasterium.net |
Charter:
Adrianus Episcopus seruus seruorum Dei Dilecto filio Gerhoho Preposito Richerspergensis Ecclesie salutem et Apostolicam Benedictionem Effectum iusta postulantibus indulgere et vigor equitatis et ordo exigit rationis Ea propter dilecte in Domino fili Gerhohe petitioni tue gratum impertientes assensum Ecclesiam ipsam cum omnibus bonis suis que inpresentiarum iuste et canonice possidet aut in futurum iustis modis Deo propitio poterit adipisci sub beati Petri et nostra protectione suscipimus Specialiter autem Munsture ac Steine cum omnibus pertinentiis suis eidem Ecclesie sicut ea venerabilis frater noster Eberhardus Babenbergensis Episcopus in concambium rationabiliter dedisse cognoscitur et parochiam de Munsture que venerabilis frater noster Chunradus Patauiensis Episcopus rationabili prouidentia Ecclesie Richerspergensi concessit auctoritate Apostolica confirmamus et presentis scripti patrocinio communimus Sepulturam quoque ipsius loci liberam esse concedimus vt eorum deuotioni et extreme voluntati qui se illic sepeliri deliberauerint nisi forte excommunicati sint vel interdicti nullus obsistat salua tamen iustitia parochialium Ecclesiarum de quibus mortuorum corpora assumuntur Nulli ergo omnino hominum liceat hanc paginam nostre protectionis confirmationis et concessionis infringere aut ei aliquatenus contraire Si quis autem hoc attentare presumpserit et secundo tertioue commonitus reatum suum digna satisfactione non emendauerit indignationem omnipotentis Dei et beatorum Petri et Pauli Apostolorum eius se nouerit incursurum et excommunicationis vinculo inno dandum Data Anagnie XVII Kalendas Septembris