Charter Document - 03940015
| Charter Number: | 03940015 |
|---|---|
| Cartulary Title: | Reichersberg, Stift |
| Charter Language: | Latin |
| Charter Origin: | Religious |
| Charter Type(s): | Protection |
| Date: | 1155 |
| Date type: | Internal, A.D., Episcopal |
| Resource Link(s): |
Monasterium.net |
Charter:
In nomine sancte et indiuidue trinitatis Otto dei gratia Frisingensis episcopus uenerabili fratri Gerodo preposito Richeresperge eiusque successoribus canonice substituendis imperpetuum Justicie ac racionis ordo deposcit ut ea que apostolice sedis moderatione fuerint ordinata preciso totius usurpationis excessu nulla debeant a nobis refragatione turbari Ea propter dilecte in domiuoater tuis postulationibus benignum prebentes assensum sicut a sacra Romana ecclesia tibi tuisque fratribus priuilegio firmatum est ut de terris quas propriis manibus aut sumptibus colitis seu de animalibus uestris nullus decimas exigat ita quoque nos tibi specialiter in terris quas per nostrum episcopatum possides tuo iusto labore cultis uel excolendis seu de nutritura animalium tuorum decimas concedimus presentisque scripti priuilegio communimus statuentes ut nulla deinceps ecclesiastica secularisue persona eas inuadere aut inminuere qualibet occasione presumat sed presentis scripti auctoritate semper tibi integre permaneant tuisque tuorumque idoneis usibus iugiter profuture Vt autem hec nostra concessio firma et inuiolata omni tempore permaneat Iitteris eam notari ac sigilli nostri inpressione signari fecimus Ego Guntherus abbas sancti stephani + Ego Vdalricus decanus maioris ecclesie + Ego Otto prepositus sancti andree + Ego Hermannus sancti petriprepositus + Ego Dithmarus decanus sancti andree + Ego Bertholdus canonicus maioris ecclesie + Data Frisinge per manum Radewini Anno ab incarnatione domini MCLV Indictione prima Anno uero domini Ottonis Frisingensis ecclesie uenerabilis episcopi XVII feliciter Amen Amen Amen