Charter Document - 03940013
| Charter Number: | 03940013 |
|---|---|
| Cartulary Title: | Reichersberg, Stift |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1153 |
| Date type: | Internal, A.D. |
| Resource Link(s): |
Monasterium.net |
Charter:
In nomine sancte et individue Trinitatis Eberhardus Dei gracia Salzburgensis Ecclesie Archiepiscopus Notum esse volumus tam futuri quam presentis temporis hominibus qualiter querela Gerhoi Richerspergensis Prepositi quam adversus tria Claustra videlicet sancti Rudberti et sancti Petri sancteque Virginis Erintrudis habuit consopita est Denique predictus Prepositus adhuc vivente beate memorie antecessore nostro Chunrado Archiepiscopo contra Ministerialem Ecclesie nostre Henricum de Sechirche deposuit causationem super quodam predio in vico qui dicitur Mosin sito Richerspergensi Coenobio ut asseruit legitime contradito Sed quia predictus Heinricus nondum lite hac terminata defunctus tres prenominatas Ecclesias reliquit prediorum suorum heredes renovante suam querelam Richerspergense Preposito in conspectu nostro ex beneplacito parcium sic decisa est contentio ut Prepositus maioris Ecclesie Hugo et Abbas sancti Petri Henricus nec non Abbatissa sancte Erndrudis Wirad designaret curtim quamdam iuxta Ardacharn sitam cum suis pertinentiis Ecclesie Richerspergensi qua conventione convenienter ex omnium parcium conivencia ordinata tota lis in manum nostram sic est refutata ut neque Prepositus querelam suam resuscitet neque ipsum de cetero vel Prepositus maioris Ecclesie vel Abbas sancti Petri vel Abbatissa sancte Erindrudis contra pactum istius composicionis inquietet Facta sunt autem hec annuente nobili femina Luitkarda predicti Henrici relicta que prediorum viri sui usum fruetuarium tenens pro anime ipsius remedio pie assensum prebuit huius compositionis rationabili pacto in manu nostra firmato et scripti presentis nostro Sigillo insigniti caucione roborato Actum Salzburg Anno Dominice Incarnationis MCLIII Indictione II presentibus Testibus quorum nomina subscripta sunt Comes Luitoldus de Bleien Comes Sigfridus de Pilstein de Ministerialibus Sigboto de Suriberch Willehalm de Wegingerberg Otto de Pongowe Marchwardus de Uzzelingen et alii plures