Charter Document - 03940008

In nomine sancte et indiuidue trinitatis chvnradus dei gratia Salzburgensis Archiepiscopvs Beatus qui intelligit super egenum et pauperem in die mala liberabit eum dominus Huius beatitudinis et liberationis nos cupientes domino prestante optinere consortium statuimus pium intellectum habere super egenam et pauperem Richerispergensis ecclesie congregationem sub Regula beati Augustini uiuentem in Richerispergensi cenobio sito in ripa Ini fluminis in fundo proprio Salzburgensis ecclesie in episcopatu Patauiensi Vnde ad subsidium cbristi pauperum ad idem cenobium firma et legitima delegatione tradidimus omnes decimas in parrochia que dicitur Putina excepta sane canonica portione sacerdotis plebani quas eidem plebano indiminutas uolumus permanere in perpetuum et exceptis decimis uinearum in eadem parrochia sitarum Dedimus etiam ad idem cenobium alterius parrochie que dicitur Bramberch totam decimationem tam de uineis quam de agris uel de aliis rebus nobis iure persoluendam excepta canonica portione sacerdotum plebanorum illic perpetuo constituendorum Et quia eadem parrochia de adiacenti silua Putinensi prestante domino potest ampliari a loco qui dicitur Putinowe usque ad terminos ungarorum et usque ad montem Hartperch in predio comitis Eckeberti crescentibus ibidem noualibus hoc statuimus et stabiliter in posterum conseruari uolumus ut omnia noualia que in silua putinensi intra terminos designatos exquisita uel exquirenda parrochie que dicitur Bramberch continuabuntur uel in parochias nouas formabuntur in eadem constitucione permaneant ita uidelicet ut exceptis debitis portionibus sacerdotis plebani decime omnes uinearum frugum et animalium persoluantur ad predictum cenobium cum integra iusticia nostro iuri debita et ad nostram dispensationem pertinente secundum precepta canonum quibus monemur habere curam pauperum Vt autem hec nostre dispensationis pia constitutio nulla impietatis machinatione uioletur sed in perpetuum firmissime conseruetur sigillo nostro hanc paginam communitam tali sententia concludimus ut si quis contra eam agens temere tercio conmonitus non resipuerit ira dei maneat super ipsum in interitum carnis ut spiritus saluus fiat per penitentiam sine qua si defunctus fuerit de perpetrata iniquitate se revm cognoscat in tremendo examine iudicis cuncta cernentis Ego Romanvs Gurcensis episcopus subscripsi Ego Baldericus salzburgensis abbas subscripsi Ego frater Gotefridus abbas Admuntensis subscripsi Ego Gebeno Salzburgensis Prepositus subscripsi Ego Chuono chimensis prepositus subscripsi Ego Hugo perthersgademensis prepositus subscripsi Ego Goteschalchus Bomburgensis prepositus subscripsi Ego Heribordus owensis prepositus subscripsi Ego Lanzo Hallensis prepositus subscripsi Ego Hugo prepositus Garcensis subscripsi Ego Ruodbertus presbyter et canonicus subscripsi Actum in castro Salzburgensi Anno dominice incarnationis MCXLIIII Indictione VIII X Kalendas Nouembris Huius rei testes per aurem attracti sunt isti Heinricus dux Karinthie et frater eius Odalricus Hugo de Tuuers Heinricus de wenge Fridericus de lingnowe Hartnith et frater eius Marcwarth de Uzilingin Ysinrich et frater eius Dietmarus de Chutbach Gundacher de waltprehtingin Liutwinus castellanus Chuono de Engilhalmingen Megingoz fllius Megingoti pincerne Dietmar De Eicheim Volcholt de Aschowe Werenharth de Otenanch Otto de Wilern Adilpreth de Witenstein Otto nesel