Charter Document - 03940003

In nomine sancte et indiuidue trinitatis ego Liudpoldus dei gratia bauuariorum dux cupiens hereditare beatitudinem de qua dicitur Beatus qui intelligit super egenum et pauperem egenorum ac pauperum christi in cenobio Richerespergensi deo militantium intellexi paupertatem simulque animaduerti quedam eorum predia uastata dum exercitus uel patre meo Liudpoldo uel me ipso ducente per terras eorum iret ac rediret Unde conmonitus a prefati cenobii preposito Gerhoho ad usus fratrum inibi deo seruiturorum ex nunc inposterum tradidi duo beneficia in uilla que dicitur livbes cum omni utilitate ad illa pertinente Scientes autem quod hilarem datorem diligit deus et hic sine dubio est hilaris dator qui mensuram bonam et confertam et coagitatam dat uolumus et irretractabiliter decernimus non solum ad predicta beneficia excolenda uerum et iam ad alias qualescunque utilitates fratrum Richerspergensium duobus plaustris aut vehiculis eorum amodo semper inposterum patere siluam que uvlgo dicitur vorst sitam inter duos fluvios Champam et Chremesam ita uidelicet ut nullus eiusdem silue procuratorum ab eis exigat ullum precium seu qualiscunque angarie grauamen illis faciat sed omnino ut dictum est liber introitus et exitus in eandem siluam ac de silua fratribus prefatis et eorum seruis pro conmoditate eorum pateat Ipsa quoque duo beneficia presignata ita decernimus permanere libera in fratrvm propria potestate sicut erant in nostra ne uel camerarii uel marscalci seu alii seruitores nostri et posterorum nostrorum in ullo sint molesti cultoribus eorum uel de rebus curie traducendis uel de annona equorum persoluenda uel de aliis ministeriis huiusmodi exequendis Hec autem tradicio ad altare sancti Michahelis in Richeresperch me presente ac petente facta est per manum comitis Livtoldi de Bleien delegatione firma in cuius manum delegatio eadem per manum nostram privs fuerat facta Huius rei testes per aurem adtracti sunt hii quorum nomina subnotata leguntur Marchio Otacher Comes eccibertus Otto de machlant Werinhart de Jugelbach jtem Werenhart fllius eius Uvolfhere de Tegerenwag Albwinus de petra Hademur de Chvofaren Gebehart de Abbatestorf Chadalhoch longus de Bora Eberhard de Brunowa et Vodalricus frater eius Hartnit de Orte Rechhere de sebach Walthere de Tobele Ainwich de Vrihaim Hartnit de Salzburch Presentem uero conscriptionem ne quis audeat uiolare uel respuere quasi falsam ego Livdpoldus dei gratia Bawariorum dvx inpressione sigilli mei feci confirmari Actum in ecclesia sancti Michahelis in Reichhersperg anno domini MCXLI Indictione IIII Regnante Rege Chuonrado II temporaliter Christo autem regnante sempiternaliter et eternaliter Amen