Charter Document - 03940002
| Charter Number: | 03940002 |
|---|---|
| Cartulary Title: | Reichersberg, Stift |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1140 |
| Date type: | Assigned |
| Resource Link(s): |
Monasterium.net |
Charter:
Innocentius episcopus seruus seruorura dei Venerabili fratri R Patauiensis ecclesie episcopo Salutem et apostolicam benedictionem A sanctis patribus antiquitus statutum et a nobis in generalibus conciliis assentientibus multis discretis et sapientibus uiris innouatum est ut religiosi uiri de laboribus quos propriis manibus aut sumptibus excolunt siue de nutritiuis suorum animalium decimas alicui soluere non cogantur Quo circa per apostolica scripta tibi mandamus atque precipimus quatenus a Richerspergensibus fratribus religiosis siquidem uiris decimas exigi non permittas et si quis subditorum tuorum clericus uidelicet siue laicus id attemptare presumpserit plenam de isto iusticiam facias Ecclesie quoque perthersgadmensis fratres de his que in episcopatu tuo possident de persoluendis decimis inquietari non permittas Dat Laterani II idus aprilis