Charter Document - 03930005
| Charter Number: | 03930005 |
|---|---|
| Cartulary Title: | St. Nikolaus Wien Urkunden 1272 - 1729 [1350] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1289 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Otto Kadoldus et Hainricus fratres dicti de Haslowe significamus tenore presencium vniuersis fidelibus in perpetuum quod nos iuxta ordinationem testamenti felicis memorie domini Ottonis de Haslowe genitoris nostri dilecti duos mansus in Regelbrunne sitos quorum vnum Meinhardus alterum Chunradus filius eiusdem inhabitabant soluentes annuatim duos modios tritici mensure comunis et decem solidos denariorum monete publice in festo beati Georgii viris religiosis domino Sighardo venerabili abbati sancte crucis Cysterciensis ordinis Patauiensis dyocesis et conuentui eiusdem loci in perpetuum assignauimus et assignamus donauimus et donamus de nostro et omnium coheredum nostrorum consensu iusto proprietatis titulo perpetuo possidendos condicione huiusmodi interiecta vt de proventibus annuis eorundem bonorum omnibus qui se per patrem nostrum predictum lesos rite nostro testimonio comprobauerint per memoratos abbatem et conuentum iuxta valorem census annui perpetuo satisfiat Quia vero iam dicti abbas et conuentus bona eadem sub nostra tuicione posuerunt promisimus et promittimus ipsa sine grauamine quolibet et absque preiudicio iurium Cysterciensis ordinis conseruare fideliter et tueri In cuius rei testimonium presentem litteram nostrorum et domini Gotfridi de Wildungesmower siggillorum robore voluimus comuniri cum testibus subnotatis qui sunt dominus Hermanus de Wolfgersdorf dominus Chunradus de Pilhdorf dominus Chalhohus et dominus Reimbertus fratres de Ebersdorf Jernfridus de Ekkchartsowe Gundakorus de Hausbach Sifridus de Hoerssendorf Otto dictus Vbelman miles Wvlfingus de Haslowe miles Otto et Hainricus fratres de Deuptal et alii quam plures Actum et datum in Prukka anno domini Millesimo ducentesimo octogesimo nono in die beate Agathe virginis et martiris