Charter Document - 03930004
| Charter Number: | 03930004 |
|---|---|
| Cartulary Title: | St. Nikolaus Wien Urkunden 1272 - 1729 [1350] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1283 |
| Date type: | Internal, Calendar, Papal |
| Resource Link(s): |
Monasterium.net |
Charter:
Urbanus episcopus seruus seruorum dei Dilecto filio Abbati Monasterii sancte Crucis in Austria Patauiensis Diocesis Salutem et apostolicam benedictionem Sua nobis dilecti filii Johannes Abbas et Conuentus Monasterii in Paumgartenperg Cisterciensis Ordinis Patauiensis diocesis petitione monstrarunt quod licet Johannes Decanus ecclesie Wyennensis dicte diocesis in eundem Abbatem nullam haberet iurisdictionem ordinariam seu etiam delegatam tamen idem Decanus in eundem Abbatem excommunicationis sententiam ad instantiam Conradi de Nuenburga Monachi dicti Monasterii promulgauit propter quod pro parte dictorum Abbatis et Conuentus sentientium exinde indebite se grauari sint ad sedem apostolicam appellatum Quocirca discretioni tue per apostolica scripta mandamus quatinus uocatis qui fuerint euocandi et auditis hinc inde propositis quod canoni cum fuerit appellatione remota decernas faciens quod decreueris per censuram ecclesiasticam firmiter obseruari Testes autem qui fuerint nominati si se gratia odio uel timore subtraxerint censura simili appellatione cessante compellas ueritati testimonium perhibere Datum Rome apud Sanctum Petrum XIII Kalendas Junii Pontificatus nostri Anno Sexto