Charter Document - 03930002
| Charter Number: | 03930002 |
|---|---|
| Cartulary Title: | St. Nikolaus Wien Urkunden 1272 - 1729 [1350] |
| Charter Language: | Latin |
| Charter Origin: | Royal |
| Charter Type(s): | Protection |
| Date: | 1277 |
| Date type: | Internal, Calendar, Regnal |
| Resource Link(s): |
Monasterium.net |
Charter:
Rudolfus dei gracia Romanorum rex semper augustus uniuersis sacri Romani imperii fidelibus ad quos presentes littere peruenerint graciam suam et omne bonum Cum abbatem et fratres ordinis Cysterciensis in monte sancte Marie in nostram protectionem et graciam receperimus specialem volumus et mandamus vobis singulis et omnibus ad nostre dicionis dominium pertinentibus nostre gracie sub obtentu ne quis eosdem fratres homines siue bona ipsorum audeat vel presumat aliquatenus molestare Nam qui secus faceret et nostrum mandatum transcenderet in hac parte nostram iram incurreret ipso facto grauiter et offensam Datum Wienne XI kalendas aprilis regni nostri anno quarto