Charter Document - 03920118
| Charter Number: | 03920118 |
|---|---|
| Cartulary Title: | Lambach, Stift |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1298 |
| Date type: | Internal, A.D., Calendar |
| Resource Link(s): |
Monasterium.net |
Charter:
Wernhardus dei gracia Ecclesie patauiensis Episcopus Vniuersis Christi fidelibus salutem in eo qui est omnium vera salus Cupientes quoslibet Christi fideles vtpote indulgentiis et remissionibus peccatorum ad pietatis ac deuocionis opera inuitare ut exinde reddantur diuine gracie apciores Omnibus corde contritis et confessis qui Monasterium Lambacense in honore beatissime virginis fundatum et beati Adalberonis in quatuor festuitatibus beate virginis patrone ibidem et in anniuersario dedicacionis die causa deuocionis accesserint diuine propiciacionis graciam inibi petituri Quadraginta dies de iniuncta ipsis penitencia misericorditer in domino relaxamus presentibus perpetuo valituris Omnes eciam indulgencias per nos uisas preter indulgencias [Philippi] Salzburgensis Ecclesie Electi et preter indulgencias Chvrensis Episcopi ad dictum Monasterium per Archiepiscopos et Episcopos concessas ratas habemus confirmantes in nomine domini easdem in hiis scriptis Datum in hofchirichen anno domini MCCXC Octavo XII Kal Septembris