Charter Document - 03920116
| Charter Number: | 03920116 |
|---|---|
| Cartulary Title: | Lambach, Stift |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1298 |
| Date type: | Internal, A.D. |
| Resource Link(s): |
Monasterium.net |
Charter:
Nos Christanus dei gratia abbas totusque Conuentus Lambacensis ecclesie notum fieri uolumus christi fidelibus uniuersis tam presentibus quam futuris quod nos conmuni consilio et assensv fauorabili nostri capituli Wernhardo iudici posteriori in welsa et Juditte vxori sue et omni posteritati ipsorum Curiam mediam in Lavb contulimus iure hereditario possidendam hac conditione interposita quod ipsi annis singulis de eadem curia XXX denarios in Natiuitate beate virginis soluere non obmittant Et si acciderit quod aliquis heredum superuenerit qui pleniori iure gaudere uideretur locationem huiusmodi pro viginti talentis denariorum integraliter liberabit Et ne tractatum nostrum per nos fauorabiliter concessum ullus audeat uel debeat enigrare presentes sibi nostri sigilli ac conuentus dedimus in euidens testimonium super eo testibus qui aderant subnotatis Anno domini MCCLXXXXVIIJ