Charter Document - 03920110
| Charter Number: | 03920110 |
|---|---|
| Cartulary Title: | Lambach, Stift |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1297 |
| Date type: | Internal, A.D. |
| Resource Link(s): |
Monasterium.net |
Charter:
Ad noticiam vniuersorum tam presentium quam futurorum duxi integraliter cognoscendum quod ego Otto dictus Chrotendorff feodum Rosenberch dictum ecclesie Lambacensi remisi et donaui in quo iurisdictionem aliquam habui et possedi ita quod nullus heredum meorum ac affinorum debeat ecclesiam prehabitam in eodem feodo molestare Et ob hoc tres libras denariorum accepi quod ibidem fratres et ecclesia per nullum mihi attinencium senciant grauitatem donans litteras presentes munitas sigillis dominorum meorum videlicet domini Eberhardi de Walsse iudicis prouincialis supra Anasum ac domini Gundakari de storchenberg iunioris in cuius iudicio predium prescriptum est situm quod domus Lambacensis ab omni amicorum et heredum meorum sit impugnacionibus ualde firma testibus qui aderant subnotatis Domino Eberhardo de Walsse Domino Gundakaro de storchenberg iuniori Militibus Domino Walthero de Tanne Domino Ditmaro de Loch Domino Ch holtzmanno Datum Anno domini MCC nonagesimo septimo