Charter Document - 03920095
| Charter Number: | 03920095 |
|---|---|
| Cartulary Title: | Lambach, Stift |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1289 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nouerint tam presentes quam futuri quod nos Chunradus dei gratia Abbas Lambacensis ecclesie de pari uoto conuentus Vlrico dicto Anhanger et vxorj sue Gevte ad dies tantummodo vite ipsorum curiam nostram dictam Super Christeinsode cum omnibus attinentiis siue cultis siue incultis sub hereditatis tytulo contulimus in hoc pacto vt post collationem quatuor annis reuolutis amodo singulis annis nostre ecclesie inde pro seruicio dimidiam libram in Natiuitate beate uirginis persoluat Si vero quis possessorum eiusdern curie negligens extiterit uel rebellis in hac solutione ipsa solutio pro pena ab eo duplex post dies quatuordecim repetatur hoc sub uinculo vt expleto curriculo uite amborum dicta curia ad manus nostre ecclesie reuertatur libere et solute in eadem pueris suis carentibus omni iure ne vero hec collatio ab aliquo in posterum dissoluatur presens scriptum nostris sigillis et subscriptis testibus iussimus consignare Datum in Lambaco Anno domini MCCLXXXVIIIJ ii nonas Marcij