Charter Document - 03920094
| Charter Number: | 03920094 |
|---|---|
| Cartulary Title: | Lambach, Stift |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1289 |
| Date type: | Internal, A.D., Calendar |
| Resource Link(s): |
Monasterium.net |
Charter:
Notum sit uniuersis hoc scriptum intuentibus quod nos Chunradus dei gratia Abbas ecclesie Lambacensis de vnanimi consilio conuentus H dicto cognomento Stechner nostra duo horrea hoc est tam inferius quam superius in Etzling ad decursionem tantummodo sue persone possidendis et salis usibus perfruendis contulimus sub hoc pacto vt singulis annis pro seruicio vj talenta wiennensia et quaque septimana quatuor cuppas salis Lambacensi ecclesie persoluat et ut uasa ipsius ecclesie autumnali tempore deducendo nobis in Chremsa debeat assignare supra dictarum librarum vero primam in Assumptione secundam Michaelis tertiam in Natiuitate domini quartam in Purificatione ultimas duas in festo Georij persoluendo qui si terminis prestitutis in ipsa solutione negligens exstiterit summa eiusdem solutionis ab ipso persoluenda sequenti die duplex pro pena negligentie repetatur hoc adiecto vt ipso de medio sublato predicta horrea ad manus ecclesie reuertantur vxore et pueris suis omni iure carentibus in eisdem ne vero hec concessio a successorum labatur animis hanc scedulam nostris sigillis cum subscriptis testibus iussimus conmuniri Testes Hainricus Viechterius de Lambach H filius suus ibidem Hugo ibidem Rudolfus ibidem Hainricus caupo ibidem et alij plures Datum apud Lambacum Anno domini MCCLXXXVIIIJ IIIJ nonas Marcij