Charter Document - 03920089
| Charter Number: | 03920089 |
|---|---|
| Cartulary Title: | Lambach, Stift |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1289 |
| Date type: | Internal, A.D. |
| Resource Link(s): |
Monasterium.net |
Charter:
Innotescat presentibus et futuris quod nos Chunradus dei gratia Abbas ecclesie Lambacensis de vnanimi consilio conuentus mansum in waltling ad cameram pertinentem Ottoni ibidem et Alhaedi sorori sue ac omni posteritati ipsorum legitime iure hereditali concessimus tali pacto vt de eodem mansu in Natiuitate beate Marie lx denarii pro seruicio et in festo Georii v denarii et tres pulli pro iure aduocatie nobis annis singulis persoluantur Vt autem hec concessio maneat inconuulsa presens scriptum nostris sigillis duximus consignandum Datum Lambaci anno domini MCCLXXXIX