Charter Document - 03920088
| Charter Number: | 03920088 |
|---|---|
| Cartulary Title: | Lambach, Stift |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1289 |
| Date type: | Internal, A.D. |
| Resource Link(s): |
Monasterium.net |
Charter:
Ignorare nolumus tam posteros quam presentes quod nos Chunradus dei gratia abbas totusque conuentus fratrum ecclesie Lambacensis vnanimi consilio Wernhardo de Wessenperg et toti posteritati sue predium ibidem nostre ecclesie adtinens titulo proprietatis iure hereditali contulimus tali pacto vt seruicium actenus debitum et consuetum de eodem predio amodo nostre ecclesie sine omni contradictione integraliter persoluatur hoc adiecto vt cum dictus Wernhardus uel quicumque sue posteritatis possessor predicti predii seruicium statutum ex paupertatis uel cuiuscunque necessitatis defectu nobis soluere non ualeat in sepe dicto predio careat omni iure Vt autem prescripta procedente tempore non cassentur hanc cedulam nostris sigillis cum subscriptis testibus iussimus consignari Testibus subnotatis Actum anno domini MCCLXXXVIIIJ