Charter Document - 03920070
| Charter Number: | 03920070 |
|---|---|
| Cartulary Title: | Lambach, Stift |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1276 |
| Date type: | Internal, A.D., Calendar |
| Resource Link(s): |
Monasterium.net |
Charter:
Heinricus dei gratia comes palatinus reni dux Bawarie omnibus presentia inspecturis in perpetuum Volentes ecclesiarum indempnitatibus omni sollicitudine prouidere vt per temporalia que metimus per beneficia facta ecclesiis cum maiori securitate conscientie teneamus Hinc est quod inuitati sacra conuersatione et multa hospitalitate ecclesie Lambacensis omnes libertates priuilegiorum et instrumentorum Levpoldi et Friderici ducum ausitie ac aliorum dicte ecclesie duximus conseruandas ratificandas et confirmandas ita ut nullum in omnibus iuribus suis dicta ecclesia dispendium paciatur sed concessis a quibuscvmque antecessoribus nostris graciis personalibus sev predialibus pociatur et nostro tempore inconuulse nec non emunitatibus libertatibus iuribus gaudeat pacifice dicta ecclesia nullum detrimenti sed augmentum in hiis diuina fauente clemencia sentiendo Vt igitur in hiis omnibus calumpniandi materia amputetur presens dicte ecclesie instrvmentum tradimus nostri sigilli mvnimine Roboratum Datum Hertzogenhalle anno domini Millesimo CCLXXVI II kalendas januarii