Charter Document - 03920065

Nos Irnfridus diuina miseracione canonicus ecclesie patauiensis et decanus in Chrems Notum esse cupimus presencium inspectoribus vniuersis quod discordia que inter dilectum in Christo fratrem Chunradum procuratorem ecclesie Lambacensis in Chrems ex vna parte et plebanum de obernchirchen nomine gebhardum ex altera uertebatur racione diuersorum hinc inde grauaminum obiectorum per arbitros ab utrapue parte ad hoc electos subsequentibus adiectis condicionibus amicabiliter est sopita Sane prefatus plebanus concubinam cui hactenus cohabitauit ex nunc abicit nec aliquam recolliget in futurum Scolarem eciam Wernhardum nomine quem quasi tocius dissenssionis inter ipsos suborte occasio extitit et seminarium pro seruitore diucius non tenebit Item de anno in annum casu quolibet contingente deinceps soluet ecclesie Lambacensi annualem censum in terminis concesso sibi a lambacensi ecclesia priuilegio annotatis Ceterum requisitus omnia porriget ecclesie sacramenta nullo interueniente precio sine pacto ad ultimum plebesanis suis non erit ut antea importunus ipsis manum iniciendo uel eciam uerbis eos plasphemie perturbando Et si forte in aliquo premissorum ostenditur de cetero [Lucke] ex tunc cadet ab omni iure quod in prenominata sibi competebat ecclesia ipso facto Si uero procurator Lambacensis ecclesie antedictus nulla causa racionabili precedente memoratum plebanum deinceps in aliquo perturbabit seu eciam dampnum eidem aliquod procurabit rebus suis ad plenum fatisfaciet dampno passo talentum denariorum wiennensis monete ad manus nostras nichilominus offerendo ad arbitrium nostrum in usus pauperum redigendum Et ut predicta composicionis forma permaneat inconuulsa presens littera inde confecta sigillo nostro est in testimonium communita Acta sunt [in] Chrems in curia nostra anno Domini MCCLXIIJ V kal Junij Indiccione vi