Charter Document - 03920063
| Charter Number: | 03920063 |
|---|---|
| Cartulary Title: | Lambach, Stift |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1260 |
| Date type: | Internal, A.D., Episcopal |
| Resource Link(s): |
Monasterium.net |
Charter:
Otto dei gratia Ecclesie Patauiensis Episcopus vniuersis christi fidelibus presentem litteram inspecturis salutem in domino Sperantes nobis ad eterne felicitatis gaudia peruenire si per nos personis religiosis et deo deuotis aliqua consolationis beneficia ministrentur notum facimus vniuersis quod de consilio et consensu dilectorum in christo Fratrum Capituli nostrj Ecclesiam in Obernchirchen vacantem cum vniuersis attinenciis plebanatus eiusdem [] abbatj et Conuentui in Lambach ad quos ius patronatus ipsius pertinet donamus et conferimus perpetuo possidendam ita ut vniuersi prouentus eiusdem Ecclesie quos receperint in usus fratrum jnfirmorum tantummodo redigantur et ut nobis vicarium quem in ipsa locare decreuerint representent cui etiam prebendam relinquent adeo competentem ut nobis et Successoribus nostris Legatis Archidyaconis et Decanis possit iura quelibet soluere nec non alia que ab aliis Fratribus Decanatus ipsius fuerint requisita uel pro ipso Lambacensis Ecclesia si quominus habuerit illa soluet et circa peregrinos et pauperes idem vicarius hospitalitatis beneficium quantum iuxta facultatem suam poterit exercebit Et ne super huiusmodj donatione [] Abbatj et Conuentuj supradictis per obliuionem uel calumpniam in posterum generetur dispendium presentem literam nostro et Capituli nostrj Sigillis conmuniri fecimus cum Testibus subnotatis Qui sunt hii Meingotus Tumprepositus Magister Dietzo Scolasticus Heinricus de Ramunge wernhardus de Morspach Heinricus de Heidendorf Thesaurarius vlricus de Styra Otto Cantor Archidyaconus Lambacensis Albertus dictus judeus Capellanus Albertus Notarius vlricus de Lonstorf Siboto frater suus Heinricus de Hartheim Berhtoldus de Heidendorf et alij quam plures Actum Patauie Anno dominj MCCLXVII Idus Martij Pontificatus nostrj Anno septimo