Charter Document - 03920047
| Charter Number: | 03920047 |
|---|---|
| Cartulary Title: | Lambach, Stift |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1251 |
| Date type: | Assigned |
| Resource Link(s): |
Monasterium.net |
Charter:
O[takarus] dei gratia Dux Austrie et Styrie ac Marchio Moravie vniuersis judicibus et Mutariis suis iuxta fluuium Danubium constitutis gratiam suam Ad instantiam et petitionem dilecti nostri wernhardi Abbatis de lambach et Conuentus eiusdem Monasterij pro remedio anime nostre perpetuo duximus concedendum vt omnia uictualia sua quocunque nomine censeantur de cetero per Danubium transducere debeant libere sine muta quemadmodum in privilegio suo ipsis a predecessore nostro Friderico quondam Duce Austrie ac Styrie felicis recordationis dato et vobis porrecto cognoscere poteritis euidenter Volumus ergo et mandamus districte uobis precipientes quatinus dictos Abbatem et Conuentum in eisdem uictualibus libere transducendis non debeatis aliquatinus impedire