Charter Document - 03920044

R[udigerus] dei gratia patauiensis episcopus Vniuersis Christi fidelibus juris peritis salutem ac fraternam in domino karitatem Quoniam propter diuersa pericula animarum docemur ecclesiastica jura studiose conseruari ne in detrimentum personarum uel animarum adgresscant quapropter Vniuersitati uestre innotescimus quod domina E venerabilis abbatissa in Trvnchirichen domino Heinrico cognomine riflanno ecclesiam ibidem barrochialem contulerat prout decuit iure possidendam insuper dux austrie pie memorie quendam Gotfridum non per hostium sed aliunde uiolenter in eandem ecclesiam intrusit qui predictam ecclesiam contra salutem anime sue uiolenter tenuit domino Heinrico Riflanno tacente nec ius suum scilicet quod iure a domina abbatissa possederat annis Ve reclamauit defuncto itaque duce domina uenerabilis abbatissa sepe dicta et conuentus eiusdem de ecclesia sua sicut iure debebat secundario intromittens dominum heinricum quem hactinus investierat reuocans auctoritate nostra sibi precipiens ut se de eadem ecclesia sua intromittet et procurare in diuinos Litemque sibi cum domino Gotfrido presumeret et hos testes de his adtestabatur uerbis Dominum Fridericum de Steinchirchen plebanum dominum Ditricum vicarium in witemspach witigonem diaconum Dominum alberonem de Pollenheim et alios quam plures sepe dictus uero dominus heinricus clericus primus de ecclesia predicta renvit se intromittere domina vero abbatissa prenominata consilio habito hec omnia supra dicta litteris suis sigillatis nobis intitulauit adtentius exorans ut consilium paternvm secundum dei timorem quid modo faciendum sit adgrescere dignaremur Nos uero consilio inito commvni cum fratribus nostris canonicis ipsis hec omnia exponentes et iure ecclesiastico sententiando ventilatum est ex quo primus clericus qui secundario se de ecclesia intromittere renvit et V annis ius suum non reclamauit ecclesia prenominata domine abbatisse vacaret insuper domine abbatisse supplicauimus quatinus dilecto nostro Witigoni eandem ecclesiam conferret aut sub uirtute sancte obediencie conferret alteri peticionem nostram pro domino Witigone admisit et nos spiritualia cuius nos testes sumus quod dominus Witigo ecclesiam eandem iure possidet Datum Patauie Anno domini MCCXLVIJ VIIIJ kalend Octobris Pontificatus nostri Anno XIIIJ