Charter Document - 03920028
| Charter Number: | 03920028 |
|---|---|
| Cartulary Title: | Lambach, Stift |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1220 |
| Date type: | Assigned |
| Resource Link(s): |
Monasterium.net |
Charter:
Reuerentissimis in Christo patribus ac dominis karissimis Capitulo venerabili pataviensi Otto divina clementia abbas et conuentus humiles lambacensis ecclesie reuerentiam debitam et deuotam In causa capelle in Bverove que inter nos ex una parte et conventum sancti Nicholay in patauia ex altera uertitur licet iam super principali sit negotio per uestram misericordiam expeditum et super emergentibus et incidentibus questionibus nec non dampnis et expensis in quibus cum ipsis volumus iudicio experiri dilectum in Christo fratrem nostrum O cellerarium ecclesie nostre et monachum coram uestra paternitate nostrum constituimus procuratorem ad impetrandum petendum proponendum et etiam litigandum jurandi etiam in nostras animas si necesse fuerit et de cetero cauere Promittentes nos ratum et firmum habere quidquid idem procurator noster coram uobis fecerit in premissis In huius rei testimonium presentem paginam nostri sigilli munimine duximus roborandam