Charter Document - 03920019

In nomine sancte et indiuidue trinitatis Ego Fridericvs diuina fauente clementia romanorum imperator et semper augustus Notum esse uolumus omnibus christi nostrique fidelibus tam futuris quam presentibus qualiter rex Heinricus ob interuentum dilectissime genitricis sue agnetis imperatricis auguste et ob peticionem felicis memorie Adelberonis wirzeburgensis episcopi bannum mercati in loco wels et theloneum in lambach et insuper bannum piscationis de superiori casu Trvne et in agra ab asinthal usque ad ea loca ad que prediorum suorum termini pertingunt et ab asinthal sursum conmunem utilitatem usque ad portum veh clama in albana in rinthbach et iterum in rinthbach et in steinbach necnon quatuor nemorum unum ad etherwalt aliud etiam in buchunloch duo que uulgo sub appellatione dicuntur superioris siue inferioris hardis eo iure quo parentes eius scilicet auus Amoldvs et item pater suus Arnoldvs et frater suus marchio gotefridus et ad ultimum idem episcopus Adelbero eundem bannum habuerunt ecclesie in lambach que in honore sancte Marie et sancti Kiliani sociorumque eius constructa est cum omni utilitate que ullo modo inde prouenire potest legitime annuit potestatiue confirmauit et perpetuo in proprium dedit atque tradidit ea uidelicet ratione ut nullus in predictis locis aut mercatum destruere aut theloneum impedire aut piscari aut noualia facere aut domos edificare aut uenari sine consensu et uoluntate abbatis in lambach presumat Igitur sicut hec ex antiquo regum et pontificum concessione hucusque durauerunt ita nos auctoritate omnipotentis dei et nostra potestate permansura perpetualiter sancimus una cum theloneo quod fidelissimvs noster dominus heinricus episcopus in curia nostra coram principibus iudiciario iure obtinuit que etiam sigillo nostro numquam uiolanda confirmamus Testes Hermannus treuerensis archiepiscopus Regenoldus coloniensis archiepiscopus heinricus wirzeburgensis episcopus Eberhardus babenbergensis episcopus Mezelinus basiliensis episcopus Symon dux louiensis Cvonradus palatinus de reno Fridericus dux de rotenburg Hermannus marchio de saxonia Diepoldus comes de plous Diepoldus comes de boemia Adelhero comes Boppo comes Craft de nuwenburg Ekehardus godeboldus de wirzburg Data lauduni tempore mediolanensis expedicionis ipso anno dedicionis eiusdem urbis iiii kalendas martii Anno dominice incarnationis MCLXII Indictione X Regnante domino nostro ihesu christo Imperante domino Friderico anno regni ipsius decimo Presidente wirzeburgensi ecclesie uenerabili Heinrico episcopo Sub abbate Lambacensis ecclesie Bernardo