Charter Document - 03910115
| Charter Number: | 03910115 |
|---|---|
| Cartulary Title: | Kremsmünster, Stift |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1287 |
| Date type: | Internal, A.D., Calendar |
| Resource Link(s): |
Monasterium.net |
Charter:
Reuerendo in christo patri et domino f venerabili abbati in chremsmunster totique sacro conuentui ibidem C dei gracia abbas Superioris altah totumque capitulum eiusdem loci graciam in presenti et gloriam in futuro Societatem siue fedus spiritualis fraternitatis inter ecclesiam nostram et vestram vt vestre devocioni placuit in perpetuum teneri decreuimus in hunc modum vt cum aliquem ex nobis siue ex vobis de hac vita migrare contigerit Alterna uicissitudine pulsatis ex more campanis cantentur vespere defunctorum et vigilie et missa in conuentu Ipso eciam die quilibet sacerdos ad vnam missam et deinceps tenebitur ad tres cum tribus corporalibus disciplinis alii autem inferiorum ordinum ad vnum psalterium et tres disciplinas et conuersi ad centum Quinquaginta Pater noster cum tribus eciam disciplinis placuit eciam huic pacto talem adicere condicionem vt singulis annis proxima vacante feria post festum sancti Jacobi apostoli pro defunctis fratribus vestris apud nos et nostris apud vos fiat sollempniter officium defunctorum et eo die ad vnam missam et corporalem disciplinam sacerdotes et inferiorum ordinum Monachi ad vnam quinquagenam et conuersi ad Quinquaginta pater noster cum disciplinis corporalibus teneantur Initum est hoc fedus fraternitatis anno domini MCCLXXXVII Kalendis Junii In cuius rei memoriam presentem litteram Sigillis nostro videlicet et conuentus placuit communiri