Charter Document - 03910114

Nos Wichardus Ortolfus Hainricus Philippus Albero fratres de Polnhaim notum fieri cupimus presentem paginam inspeeturis quod cum inter Ecclesiam beati Agapiti martiris in Chremsmunster ex una parte et nos ex altera iam diu lis et contencio verteretur super captura piscium que fieri solet in loco ubi lacus qui albense dicitur influit albe fluuio quod vulgariter Lanchwat vocatur tempore autumpnali Tandem mediantibus probis et honestis viris sumus ad concordiam reuocati ita videlicet vt receptis a domino Friderico Abbate eiusdem monasterii XIIII libris denariorum winnensium renunciaremus omni iuri sive impeticioni que nobis in eadem piscacione competere videbatur Idemque Abbas et Ecclesia predicta libero et pleno iure eiusdem piscacionis gaudeat in solidum et nos cum omni nostra posteritate nullum eisdem de cetero dampnum seu preiudicium per nos siue aliquos ex nostris fieri sinemus Sed ex nunc omni actioni cedimus siue liti Immo et manum defensionis nostre contra omnes in tali suo iure ipsos grauare volentes quantum possumus eisdem prestabimus in futurum Et quia nemus nostrum eidem lacui adiacet circumquaque ne de cetero inter idem monasterium et nos nostrosque heredes alicuius oriatur materia questionis piscatores ecclesie ligna ad usum piscationis necessaria de nemore eodem accipient habundanter nullo nostrum vel nostrorum in hoc siue in omni iure suo quod in eadem piscacione videlicet totalis lacus per totum annum siue predicta autumpnali captura quiete debent perenniter possidere eidem monasterio aliquod impedimentum seu grauamen irrogante publice vel occulte Vt igitur hec vniuersa et singula perpetue maneant inconuulsa presentem cartam cum subnotatione testium nostrorum sigillorum karacteribus roboramus Testes autem hii sunt Dominus Johannes de Ror Erchengerus de Wesen Dominus Rudgerus de Vttersteten Dominus Ditricus de Ebelsperch Dominus Gotfridus de pernawe Dominus Hermannus de Egndorf Otto de Achleiten hainricus Lawarius Richerus de Edelspach Chunradus holzmannus Vlricus rufus Tiemo de Egnperg Tristramus de Aich Thimo de pernaw et alii quam plures qui huic facto interfuerunt audiuerunt pariter et uiderant Actum anno domini MCCLXXXVII Nonis Septembris