Charter Document - 03910111
| Charter Number: | 03910111 |
|---|---|
| Cartulary Title: | Kremsmünster, Stift |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1284 |
| Date type: | Internal, A.D., Calendar |
| Resource Link(s): |
Monasterium.net |
Charter:
Reuerendo in Christo patri et domino Friderico venerabili abbati in Chremsmvnster eiusdemque loci honorabili Collegio Poppo dei gracia abbas in altah inferiori et conuentus ibidem oraciones in domino Jesu Christo Dudum inita inter vestrum et nostrum Monasteria fraternitatis mutue carissima nobis pacta desiderantes in suo vigore durare ea ad instanciam et requisicionem carissimorum fratrum Chunradi et Ditmari cum aliquibus addicionibus presentibus innouamus Singulis igitur annis post dominicam domine in tua misericordia proxima vacante feria omnibus apud vos defunctis in nostro monasterio et pro nostris defunctis in vestro monasterio pulsatis campanis officium vnum fiat videlicet in uesperis vigilie ex integro ut est moris et de mane missa vna publice cum Conuentu preterea ad vnam priuatam missam ipso die singuli presbiteri teneantur alii inferiorum ordinum litterati quinquaginta psalmos dicant et qui litteras nesciunt cum Aue Maria dicant totciens pater noster et corporalem quilibet suscipiat disciplinam Cum vero alicuius vestrum nobis fuerit obitus nunciatus sev vobis alicuius nostrum singuli presbiteri ad tres priuatas missas teneantur alii inferiorum ordinum litterati ad vnum psalterium non litterati autem dicant secundum consuetudinem cum Ave Maria innumero pater noster et insuper quilibet tres corporales accipiat disciplinas Pro vobis vero domine friderice abbas in vestro obitu in missis vigiliis et oracionibus omnia faciemus que apud nos pro nostris abbatibus fieri sunt consueta vt michi popponi abbati similiter apud nos fiat cum meus obitus nobis fuerit nunciatus In cuius rei ampliorem memoriam presentes litteras vestre transmittimus caritati Datum Anno domini MCC Octogesimo Quarto IIII Nonas Julii