Charter Document - 03910110
| Charter Number: | 03910110 |
|---|---|
| Cartulary Title: | Kremsmünster, Stift |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1280 |
| Date type: | Internal, A.D., Calendar |
| Resource Link(s): |
Monasterium.net |
Charter:
Vt facta hominum firmior permaneant necesse est ea litteris et testibus communiri Hinc est quod nos frater wilhalmus Cardianus domus fratrum minorum in Stain tam presentibus quam futuris harum noticiam habituris cupimus esse notum quod de unanimi voluntate fratrum nostrorum dimidietatem vinee in vrechow Site quam nobis Juta pie recordationis quondam uxor Swikeri Calcificis fratrum predicatorum in chrems testabatur ipso Swikero marito suo qui dictam vineam tenebat ad dies suos consentiente ob anime sue remedium in extremis venerabili domino Friderico abbati de Chremsmunster cuius Ecclesie Chremsmunster scilicet partem alteram ipsius vinee est testata presente dicto Swikero et annuente duximus pro VIII talentis denariorum winnensium fratribus in alios usus redigendorum cum possessiones et predia ordo noster prohibeat nos habere vendere simpliciter et precise ita ut postquam dictus Swikerus viam Carnis ingressus fuerit universi pretacta vinea ad Chremsmunstrensem Ecclesiam libere devolvatur adiectum est etiam ut pro iure civili Domui Sancti Floriani VIIII denarii et obulus in die Sancti Michahelis annis singulis offeratur ut autem prenotata omnia Chremsmunstrensi Ecclesie sine cauillatione qualibet obseruentur presentem Cedulam exinde conscriptam communitatis nostre Sigillo necnon sigillo Ciuium in Stain procurauimus Roborari Annodatis testibus qui sunt hii domnus Irnfridus uenerabilis Canonicus patauiensis Archidiaconus Austrie et decanus in Chrems domnus Sifridus plebanus in Stain Marquardus Notarius Chunradus Seuelder Hainricus filius suus hainricus Scriba Otto aput Ecclesiam chunradus filius hilperi chunradus Sitis Eberhardus decimator Hilperus christanus consubrinus suus Ciues in Stain vlricus Joringer Richerus de Edenlinspach Francho Rapoto de Movtern Jungricus frater suus Chunradus panifex Acta sunt hec anno domini MCCLXXX XIII Kal Februarii