Charter Document - 03910104
| Charter Number: | 03910104 |
|---|---|
| Cartulary Title: | Kremsmünster, Stift |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1269 |
| Date type: | Internal, A.D., Calendar, Feast |
| Resource Link(s): |
Monasterium.net |
Charter:
Nos Bertholdus diuina miseratione abbas Ecclesie In Chremsmunster et Conuentus eiusdem loci notum fieri cupimus vniuersis quod nos ad instantiam domini Hertnidi de Schaumberch cuius deuotionem erga nostram Ecclesiam vidimus habundanter sibi et suis heredibus Curiam nomine Ruleichingen ad officium Camere nostre pertinentem contulimus ut ipse et sua posteritas in festo sancti Andree ad eandem Cameram medium talentum wiennensis vsualis monete soluere debeat annuatim tali uidelicet conditione interposita et adicta vt quando predictus dominus Hertnidus uel sua posteritas qui tunc erunt eandem curiam possidentes dictam pensionem non soluerit in termino supradicto ex tunc secundum ius commune Ecclesie nostre post finem sex ebedomadarum in sex solidos eiusdem monete idem posessores teneantur obnoxii pro emenda Si uero supradictam pensionem et emendam in eodem anno neglexerint persoluere anno eodem eis integro permanente tunc demum ipsi possessores ab omni iure suo cadant et memorata curia sine contradictione qualibet cum omnibus suis iuribus ad nostram ecclesiam reuertatur Ne igitur fraus uel malicia predicto contractui valeat in posterum suborirj curauimus ipsum roborare per publicum instrumentum cum munimine sigillorum dependentium in eodem Datum Anno Domini MCCLXVIIII II Kal decembris In festo sancti Siluestri Amen