Charter Document - 03910101

In Nomine Patris Amen Nos Bertholdus diuina miseratione Abbas Ecclesie In Chremsmunster et totum Capitulum eiusdem loci Cognouimus prouida sollicitudine quod quedam obedientia Ecclesie nostre que infirmaria nuncupatur per incuriam uel negligentiam antecessorum nostrorum non habuit possessiones uel redditus aliquos a tempore cuius non exstat memoria volentes itaque indempnitati huiusmodi salubri remedio prouidere ut cultus diuini numinis nostris temporibus augeatur et fratres nostri regularia instituta sanctiori proposito teneant et obseruent communi consensu omnium et singulorum precibus pariter decreuimus prouide statuendum ut omnes possessiones et redditus qualescumque fuerint qui ex nunc inposterum pia deuocione fidelium ad nostram Ecclesiam fuerint collate in usus et perpetuam donationem cedant prefate infirmorum domui perpetuo possidenda nichilominus adicientes quod due curie domini Chunradi de Asperch in rotenpaungarten et in tanpach site cum feodo Heinrici de Egendorf et mortuario Heinrici de Ahleiten ad sepe dictam domum transeant cum iuribus pretaxatis donec cum eis et aliis possessionibus de XV talentis wiennensis monete ipsi domui prouisum sit in redditibus utiliter atque plene insuper statuimus ut predictorum reddituum collatoribus integre sua iura in anniuersariis quantum ad exequias et consolationes ex hoc fratribus exhibendas per magistrum dicte domus secundum quod per eos diffinitum extiterit absque qualibet molestia summa cum reuerentia conseruentur quod autem preter hec ecclesie acquiritur in eiusdem utilitatem prout melius uidebitur conuertatur et ut hec constitutio plurium consilio et consensu omnium in nostro capitulo approbata non possit vmquam per aliquem actum contrarium uel obstaculo contradictionis infringi uel per modum aliquem abrogari ipsam curauimus per publicum instrumentum sigillorum nostrorum munimine roborare Acta sunt hec Anno domini MCC