Charter Document - 03910099

In nomine domini Amen Ne res gesta inter uiuos temporum fluxu obliuionis detrimentum uel dispendia paciatur nos Berchtoldus sola miseracione diuina abbas ecclesie in Chremsmvnster et totus conuentus ibidem per presencium continenciam noticie modernorum et futurorum duximus intimandum quod dominus Chvnradus de Aschperch filius domini Ernesti de consensu uxoris sue et filiorum suorum ob remedium anime sue curiam quandam in Lampach cum omnibus suis pertinenciis ecclesie nostre tradidit et donauit et quod eandem sibi de gracia speciali reconcessimus ad dies tantummodo uite sue ita tamen si uita sua ultra sex annos fuerit prorogata quod ex tunc curia sua in Rotenpaumgarten post dies uite sue similiter eodem iure quantum ad proprietatem et possessionem ecclesie nostre cedat sine contradictione qualibet inperpetuum possidenda Et si infra illos VI annos migrauerit ex hac luce nec dicta curia in Lampach sit ab Alhartingario pro XX libris liberata super ipsa curia in Rotenpaumgarten pro redemptione XX talenta habeantur Wiennensium Finitis vero VI annis si post decursum uite sue nec dum dictam curiam liberauit quia iam prefata curia in Rotenpaumgarten vna cum priori cessit totaliter iuri nostro pro illis XX libris omnia que a nobis obtinet in pheodo nobis sunt et erunt modis omnibus obligata Nos autem ipsius deuocionem uersa uice circa nostram ecclesiam attendentes eidem domino Ch prebendam unius domini in uictu et uestitu preter cucullam fraternitatem domus nostre necnon participacionem omnium bonorum que apud nos fiunt indulsimus et indulgemus liberaliter propter deum firmiter promittentes ut cum suus nobis obitus fuerit nunciatus quod infra sex rastas ipsum defunctum ad sepeliendum nobiscum transducere debeamus et quod in anniuersario suo potus uini et unus pulcher panis cum ferculo qualicumque amministretur fratribus annuatim nichilominus hoc adiecto quod si predictorum bonorum per nos uel successores nostros ab ecclesia nostra fiat alienacio qualiscumque quod ex tunc filii dicti domini Ch eorundem potestatem habeant repetendi Ne igitur super hiis que promissa sunt aliqua possit in posterum questio uel dubietas suboriri ad toliendam omnem ambiguitatem et maiorem certitudinem retinendani presentes litteras sigillorum nostrorum munimine et domini Alberonis de Pollenhaim ipsius quoque domini Ch cum subnotatis testibus confirmare duximus in testimonium euidens et cautelam Sunt isti testes Dominus Merboto de Oed dominus Hertwicus dens et filij eius dominus Ernestus de Lapide Heinricus et Otto fratres de Achliten Johannes filius Heinrici Otto de Chvperg Heinricus et Ortolfus de Egindorf Vlricus de Tvodaech Richerus de Edelspach Chvnradus et Raeichkerus fratres de Aschperch Alramus de Lautterbach Rvgerus in Ripa et alii quam plures Datum et actum in claustro nostro In die sancti Vrbani anno domini MCCLXIIII