Charter Document - 03910071
| Charter Number: | 03910071 |
|---|---|
| Cartulary Title: | Kremsmünster, Stift |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1250 |
| Date type: | Internal, A.D. |
| Resource Link(s): |
Monasterium.net |
Charter:
Ortolfus dei gratia Abbas in Chremsmunster et Conuentus Notum facimus omnibus presentem paginam inspecturis tam presentibus quam futuris quod nos Heinrico de Rvodlaiching et duobus filiis suis Hertnido et Chunrado eandem curtem in Rvodlaiching ad nostram pertinentem Cameram et vestitum ad dies vite ipsorum solummodo contulimus tali forma quod ipsi annuatim dimidium talentum in festo beati Andre nostro Camerario inde soluaut quod si neglexerint Sexaginta denarios pro eiusdem negligentie satisfactione vltra Quatuordecim dies cum predicta etiam soluant pensione hac interposita pactione quod si ad terminum anni sine legittimo impedimento dictam detinuerint pensionem ex tunc ipsi a suo penitus cadant ivre nichilominus etiam hoc adiecto quod post mortem eorundem Heinrici ac suorum filiorum Hertnidi et Chunradi memorata curtis in Rvodlaiching in nostram libere possessionem redeat pleno ivre nec posteritas ipsorum aliquo ivra in eadem prefata curte sciat vlterius se potiri Vt autem hec firma permaneant atque rata presenti littera cum appensione sigillorum nostrorum liberaliter confirmamus testibus subnotatis Hertwicus de Mvolperch Chunradus de Aschperch Ernsto de Stein Merboto de Oede Chunradus de Schachen Hertwicus Zant Item de familia Schowenbergensium Hertwicus de Heking Hertnidus Livtoldus fratres Chunradus de Strachem Fridericus de Palsentz Herrandus de Galspach et alii quam plures Acta sunt hec anno Dominice Incarnationis MCCL In mense Aprili